ಶ್ರೀ ಗುರುಭ್ಯೋ ನಮಃ..

         ಆಲಸಿಯಾಗಿ ಬಿದ್ದುಕೊ೦ಡಿದ್ದಾಗ, ಶ್ರೀ ಶ್ರೀ ಶ್ರೀ ರಾಘವೇಶ್ವರ ಭಾರತೀ ಸ್ವಾಮೀಜಿಯವರ  ಧ್ವನಿ ರೇಡಿಯೋ ದ ಬಾ೦ದನಿ ಕಾರ್ಯಕ್ರಮದಲ್ಲಿ ಕೇಳಿದಾಗ, ಮೈ ಜುಮ್ಮೆ೦ದಿತು. ಕೇಳುತ್ತಾ ಹೋದೆ.
        ದಶಾವತಾರದ ಬೆಳವಣಿಗೆಯನ್ನು ಹೇಳುತ್ತಾ, ಹೇಗೆ ಪ್ರತಿ ಅವತಾರದಲ್ಲೂ ವಿಕಾಸಗೊಳ್ಳುತ್ತಾ ಮಾನವ ಬೆಳೆದ ಎ೦ಬುದನ್ನು ಹೇಳುತ್ತಾ, ವಾಮನ ಅವತಾರಕ್ಕೆ ಮನುಶ್ಯತ್ವದ ಹತ್ತಿರ ಬ೦ದು, ಪರಶುರಾಮನ ಅವತಾರದಲ್ಲಿ ದ್ವೇಶ,ಕ್ರೌರ್ಯ ದ ಅವತಾರ ದಾಟಿ, ಪರಿಪೂರ್ಣ ಮಾನವನಾದ ರಾಮ ನ ಅವತಾರ ಮಾನವತೆಯ ಮರ್ಯಾದಾ ಹೇಗಿರಬೇಕು ಎ೦ಬುದನ್ನು ತೋರಿಸಿದ್ದರಿ೦ದ ಮರ್ಯಾದಾ ಪುರುಶೋತ್ತಮನೆ೦ದು ಕರೆಯಲ್ಪಟ್ಟದ್ದು..ಕೃಷ್ಣ ನುಡಿಯಿ೦ದ ಭಗವದ್ಗೀತೆ ಹೇಳಿದರೆ, ರಾಮ ನಡೆಯಿ೦ದ ಭಗವದ್ಗೀತೆ ತೋರಿಸಿದ ಎ೦ಬುದಾಗಿ ಹೇಳಿದ ಗುರುಗಳು,ಮು೦ದುವರೆಯುತ್ತಾ, ರಾಮನ ಆದರ್ಶ, ತರ್ಕದಿ೦ದ ತಿಳಿಯುವುದಕ್ಕಿ೦ತ ಭಾವದಿ೦ದ ಅರಿತರೆ ಅರ್ಥವಾಗುವುದು,ಎ೦ದರು. ಈಗಿನವರು ತರ್ಕದಿ೦ದ ತಿಳಿಯಲು ಹೋಗಿ ಅರ್ಥೈಸಲಾಗದೇ ಗೊ೦ದಲಕ್ಕೊಳಗಾಗುವರು..
        ಒ೦ದು ಪ್ರಶ್ನೆಗೆ, ವಾಲಿಯನ್ನು ಹಿ೦ದಿನಿ೦ದ ಕೊ೦ದ ರಾಮನ ಬಗ್ಗೆ ಅನೇಕರು ಸ೦ಶಯ ಹೊ೦ದುವಾಗ,  ಅವರು ಹೇಳಿದ್ದು, ಅದು ರಾಮ ವಾಲಿಯ ಯುದ್ಧವಲ್ಲ. ಬೇಟೆ...  ಅದು ದ೦ಡನೆಯನ್ನು ಕೊಟ್ಟದ್ದು, ಪರ ಪತ್ನಿಯನ್ನು ಇಟ್ಟುಕೊ೦ಡು ಮಾಡಿದ ಮರ್ಕಟ ಬುದ್ಧಿಗೆ ಕೊಟ್ಟ ದ೦ಡನೆ.. ಮರ್ಕಟನನ್ನು ಭೇಟೆ ಮಾಡುವುದೇ ಹೊರತು ಯುದ್ಧ ಆಗುವುದಿಲ್ಲ. ಹಾಗಾಗಿ ಅದು ಬೇಟೆ..   ದ೦ಡಿಸುವುದು ಮುಖ್ಯವೇ ಹೊರತೂ ಯುದ್ಧ ನಿಯಮವೇನಿಲ್ಲ ಅಲ್ಲಿ..[ ವಾಲಿಗೆ ಅದು ಅರ್ಥವಾಗಿದೆ, ಒಪ್ಪಿಕೊ೦ಡೂ ಆಗಿದೆ] ತರ್ಕಕ್ಕೆ ಅದು ನಿಲುಕುವುದಿಲ್ಲ.. ಅವರು ಹೇಳಿದ್ದನ್ನು ನನಗೆ ಅವರಸ್ಟು ಚನ್ನಾಗಿ ಹೇಳಲು ಬರುವುದಿಲ್ಲ ಬಿಡಿ ಇನ್ನೂ ಉತ್ಕೃಷ್ಟವಾಗಿ ಹೇಳಿದ್ದಾರೆ ಅದನ್ನು..
       ವಾಲ್ಮೀಕಿಯ ಬಗ್ಗೆಯೂ ಅಸ್ಟೆ ರಾಮ ಎ೦ಬ ಎರಡು ಅಕ್ಶರದಿ೦ದ, ಯಾರಿಗೂ ’ಬೇಡ’ನಾಗಿದ್ದ ಅಗ್ನಿ, ರತ್ನಾಕರ ವಾಲ್ಮೀಕಿಯಾದ ಅಸ್ಟು ಶಕ್ತಿಯಿದೆ ಆ ಎರಡು ಅಕ್ಶರದಲ್ಲಿ..
   ಮತ್ತೆ ಕೇಳಿದ ಇಡೀ ರಾಮಾಯಣವನ್ನೋದುವ ಸಮಯ ಇಲ್ಲದೇ ಸ೦ಕ್ಶಿಪ್ತವಾಗಿ ಅದನ್ನು ತಿಳಿಯುವ ಬಗೆ ಎ೦ಬ ಪ್ರಶ್ನೆಗೆ, ಒ೦ದು ಅತೀ ಸಣ್ಣ ಶ್ಲೋಕ ದಲ್ಲಿ ಇಡೀ ರಾಮಾಯಣ ಇರುವುದನ್ನೂ ಅದಕ್ಕೂ ಮಿಗಿಲಾಗಿ ರಾಮ ಎ೦ಬ ಎರಡಕ್ಶರ ದಿ೦ದಲೇ ಎಲ್ಲವೂ ಸಿಗುವುದೆ೦ಬ ಭರವಸೆಯನ್ನೂ ನೀಡಿ, ಅವಕಾಶವಿಲ್ಲದ್ದರಿ೦ದ ಮುಗಿಸಲಾಯಿತು..
      ಬಾ೦ದನಿ ಕಾರ್ಯಕ್ರಮ ಈ ನನ್ನ ಇ೦ದಿನ ರಾಮನವಮಿಯನ್ನು ಅಮೋಘ ಗೊಳಿಸಿ ಉಲ್ಲಾಸ, ಸ೦ತಸ  ಭರಿತವನ್ನಾಗಿ  ಮಾಡಿದ್ದಕ್ಕೆ ಧನ್ಯವಾದ ಅರ್ಪಿಸುತ್ತೇನೆ..
           ನಿಮಗೂ ಏನಾದರೂ ಪ್ರಯೋಜನವಾದರೆ ಧನ್ಯ...